XƏBƏR
10:46

  Yevgeni Mixaylov: Qoşulmama Hərəkatına sədrlik etməklə Azərbaycan dünya siyasətində mühüm yer tutacaq

Gündəm

Xəbər lenti
20 Noyabr 15:15Maradona klubdan qovuldu
18 Noyabr 15:41Sabah yağış yağacaq
Azərbaycan Qoşulmama Hərəkatında sədrliyi bir neçə illik qəbul edib və bu, dünya siyasətində mühüm hadisədir.
Agyol.az xəbər verir ki, bunu  rusiyalı ekspert və teleaparıcı Yevgeni Mixaylov deyib.
O bildirib ki, Qoşulmama Hərəkatı onlarla ölkə tərəfindən dəstəklənir və bu ölkələr arasında Azərbaycan öz geosiyasi, iqtisadi təsiri və mövqeyi ilə əlaqədar xüsusi yer tutur:
“Aydındır ki, Prezident İlham Əliyevin sədrliyi ilə bu tədbirin keçirilməsi ilk növbədə təşkilatın ruhuna sadiqliyi baxımından Azərbaycanın xidmətlərinin tanınmasını göstərir. Yəni, ölkə prinsipial mövqe tutaraq digər ölkələrlə hərbi bloklarda yer almır və bununla da tam müstəqil mövqe sərgiləyir. Azərbaycan kiminlə dostluq edib- etməyəcəyinə özü qərar verir. Eyni zamanda, bu cür müstəqil mövqe bəzi ölkələri qıcıqlandırır, bəzi ölkələrdə isə hörmət doğurur və onlar başa düşürlər ki, bu ölkə ilə bərabər səviyyədə danışmaq lazımdır. Azərbaycan öz müstəqil siyasəti ilə regionda və dünyada nüfuza və hörmətə malikdir. Belə irimiqyaslı sammitin məhz Bakıda keçirilməsi və sədrliyin dörd il ərzində regionun aparıcı dövlətinə həvalə edilməsi bunun göstəricisidir”.
Qeyd edək ki, Qoşulmama Hərəkatının XVIII Zirvə Görüşü ötən gün Bakıda öz işinə başlayıb və bu gün davam edir. Hərəkata üzv ölkələrin dövlət və hökumət başçılarının dünənki görüşündə Qoşulmama Hərəkatına sədrlik Azərbaycana təhvil verilib.
Beləliklə, Azərbaycan Respublikası 2019-2022-ci illərdə Qoşulmama Hərəkatına sədrlik edəcək.
Qoşulmama Hərəkatının Bakıda keçirilən XVIII Zirvə Görüşünə, ümumilikdə 60-a yaxın ölkənin dövlət və hökumət başçısı, həmçinin beynəlxalq təşkilatların rəhbərləri qatılıb.




  Yayım tarixi :26 Oktyabr 2019   10:46

 





Xəbərə aid heç bir video mövcud deyil



Ⓒ AĞYOL 2019 - Bütün hüquqlar qorunur .