XƏBƏR
22:06

  Elmar Məmmədyarov Serbiyanın xarici işlər naziri ilə görüşüb

Gündəm

Xəbər lenti

Xarici İşlər naziri Elmar Məmmədyarov Bakıda keçirilən Qoşulmama Hərəkatının XVIII Zirvə Görüşü çərçivəsində Serbiyanın Baş nazirinin birinci müavini, Xarici İşlər naziri İvitsa Daçiç ilə görüşüb.

Agyol.az xəbər verir ki, Nazirlikdən verilən məlumata görə, tərəflər iki ölkə arasında beynəlxalq təşkilatlar çərçivəsində nümayiş etdirilən qarşılıqlı dəstəyin məmnunluq doğurduğunu bildiriblər.

Bu xüsusda, nazir Elmar Məmmədyarov Ermənistan-Azərbaycan Dağlıq Qarabağ münaqişəsinə toxunaraq, münaqişənin Azərbaycan Respublikasının suverenliyi, ərazi bütövlüyü və beynəlxalq səviyyədə tanınmış sərhədlərinin toxunulmazlığı prinsipi əsasında tezliklə həllinə dair Serbiyanın prinsipial mövqeyinə görə minnətdarlığını ifadə etdi.

Nazirlər iki ölkə arasında qarşılıqlı əməkdaşlığın müxtəlif sahələrdə, xüsusilə də iqtisadi sahədə daha da inkişaf etdirilməsinin əhəmiyyətinə toxundular. Azərbaycan Respublikası ilə Serbiya arasında iqtisadi əməkdaşlıq üzrə birgə hökumətlərarası komissiyanın fəaliyyəti və biznes forumlarının təşkilinin ikitərəfli əməkdaşlığın zəngin potensialından daha səmərəli şəkildə faydalanmağa əlavə təkan verə biləcəyi vurğulandı və bu istiqamətdə səylərin artırılacağına dair razılıq əldə olundu.

Nazir İ.Daçiç Azərbaycanın QH-də sədrliyinin uğurlu olacağına və ölkələrimiz arasında ikitərəfli əlaqələrin daha da inkişaf edəcəyinə dair ümidi ifadə etdi və nazir Elmar Məmmədyarovu öz ölkəsinə səfər etməyə dəvət etdi.

Görüş əsnasında həmçinin qarşılıqlı maraq doğuran digər regional təhlükəsizlik məsələləri ətrafında fikir mübadiləsi aparıldı.




  Yayım tarixi :23 Oktyabr 2019   22:06

 





Xəbərə aid heç bir video mövcud deyil



Ⓒ AĞYOL 2019 - Bütün hüquqlar qorunur .