XƏBƏR
14:47

  Qırğızıstan Azərbaycandan tranzit daşımaları üçün kvotaların artırılmasını xahiş edib

Gündəm

Xəbər lenti

Qırğızıstanın nəqliyyat və yollar naziri Jenişbek Noqoybayev Azərbaycan hökumətindən tranzit daşımaları üçün kvotaların artırılmasını xahiş edib.

Agyol.az ın məlumatına görə, nazir bu müraciətlə Qırğızıstan-Azərbaycan iqtisadi və humanitar əməkdaşlıq üzrə birgə hökumətlərarası komissiyasının iclasında çıxış edib.

Nazir bildirib ki, hazırda Qırğızıstanın tranzit daşımaları üçün 50 kvotası var:

“Onların hər biri işə salınıb. Biz sizin ölkəyə müraciət etmişik ki, kvotaları artırsınlar. Oktyabr ayında biz Azərbaycandan nəqliyyat üzrə nümayəndə heyətini gözləyirik. Ümid edirik ki, daşımalar üçün əlavə kvota müraciətimiz təmin olunacaq”.

İclasda çıxış edən Azərbaycan Baş nazirinin birinci müavini Yaqub Eyyubov bu problemlə bağlı məlumatlı olduğunu bildirib:

“Biz bu məsələyə tam ciddiyyətlə yanaşırıq”.




  Yayım tarixi :07 Oktyabr 2019   14:47

 





Xəbərə aid heç bir video mövcud deyil



Ⓒ AĞYOL 2019 - Bütün hüquqlar qorunur .