XƏBƏR
10:49

  UEFA Bakıda 50 min ağac əkdirəcək

Gündəm

Xəbər lenti

UEFA gələn il Bakıda ağac əkdirəcək.

Agyol.az xəbər verir ki, bu, Avropa çempionatının keçirilməsinin 60 illiyi ilə bağlı olacaq.

Belə ki, UEFA-nın İcraiyyə Komitəsi 2020-ci ilin 12 iyun – 12 iyul tarixlərində baş tutacaq Avro-2020-nin 12 ev sahibi üçün belə bir sosial xeyriyyə aksiyası keçirilməsinə qərar verib. Bakı ilə yanaşı, London, Münxen, Roma, Sankt-Peterburq, Buxarest, Amsterdam, Dublin, Bilbao, Budapeşt, Qlazqo və Kopenhagen şəhərlərində ümumilikdə 600 min ağac əkiləcək. Bu isə hər şəhərə 50 min ağacın düşməsi deməkdir.

UEFA prezidenti Aleksandr Çeferin açıqlamasında bunun karbon qazının qarşısının alınması ilə əlaqələndirib. O bildirib ki, hər zaman bu şəhərlərə səfərlər zamanı onların avtomobillərinin ixrac etdiyi karbon qazının zərərsizləşdirilməsi üçün belə bir addım atılacaq. 

Qeyd edək ki, Bakıda Avro-2020-nin dörd oyunu keçiriləcək. Bunlardan üçü qrup, biri isə 1/4 final matçı olacaq.

Bundan başqa, rəqabət üçün balansın qorumasını istəyən UEFA xüsusi hesabatı müzakirə edib. “Böyük beşlik” liqalarının qazanclarının digərlərindən qat-qat artıq olması, bunun da bərabər rəqabətə maneçiliyi diqqətə çatdırılıb. Azərbaycan da daxil olmaqla digər 50 liqanın ödənişlərinə baxılması, balans yaradılması üçün addımlar atılması nəzərdə tutulub.




  Yayım tarixi :25 Sentyabr 2019   10:49

 





Xəbərə aid heç bir video mövcud deyil



Ⓒ AĞYOL 2019 - Bütün hüquqlar qorunur .