XƏBƏR
17:03

  Karateçimiz "Super 8" beynəlxalq turnirinə dəvət olunub

Gündəm

Xəbər lenti

Azərbaycan karatesinin liderlərindən Ayxan Mamayev (-84 kq) Xorvatiyada "Super 8" beynəlxalq turnirinə dəvət olunub.

 

Agyol.az xəbər verir ki, Azərbaycan Milli Karate Federasiyasından verilən məlumata görə, Xorvatiya Karate Federasiyasının təşkil etdiyi bu yarış dünyanın 7 tanınmış idmançısının iştirakı ilə keçiriləcək. Təşkilatçılar idmançıları nüfuzuna əsasən dəvət edirlər.

 

A.Mamayevlə birgə turnirdə Kenji Qrillon (Fransa), Erman Eltemur (Türkiyə), Miçele Martina (İtaliya), Alvin Karaqi (Kosova), Djordje Teşanoviç (Serbiya), Enes Qariboviç və Ante Mrviçiç (Xorvatiya) kimi Dünya və Avropa çempionatlarının qalib və mükafatçıları mübarizə aparacaq.

 

Mütləq çəki dərəcəsində turnir qrup sistemi üzrə keçiriləcək. Hər iki qrupun qalibi finalda, ikinci yeri tutanlar isə bürünc medal uğrunda mübarizə aparacaq.

 

Yarış mayın 11-də Zaqrebdə keçiriləcək.




  Yayım tarixi :08 May 2019   17:03

 





Xəbərə aid heç bir video mövcud deyil



Ⓒ AĞYOL 2019 - Bütün hüquqlar qorunur .