XƏBƏR
14:05

  Azərbaycanda metro vaqonlarının istehsalı mümkün olacaq

Gündəm

Xəbər lenti

Azərbaycanda metro vaqonlarının istehsalı mümkün olacaq.

 

Agyol.az ın məlumatına görə, bunu jurnalistlərə açıqlamasında "Bakı Metropoliteni" QSC mətbuat xidmətinin rəhbəri Bəxtiyar Məmmədov deyib.

 

Onun sözlərinə görə, hazırda Bakmil deposunda metro vaqonlarının təmiri və sazlanması işləri həyata keçirilir:

 

"Biz "Bakı Metropoliteni"nin Tədris Mərkəzinin açılması ilə bağlı layihəyə başlayanda əsas məqsəd vaqon istehsalı sənayesinin inkişafına nail olmaq idi. Burada yetişən kadrlarımız faktiki olaraq yeni vaqonun istehsalı prosesinə qoşula biləcəklər. Hazırda biz 3 qatar, yaxud 15 vaqonumuzu təmir edib xəttə buraxmışıq. Biz bu vaqonlarda yalnız kondisionerləri quraşdıra bilmirik. İstehsalçı qurumla apardığımız danışıqlar və araşdmalarımız nəticəsində məlum oldu ki, köhnə vaqonlara kondisionerlərin quraşdırılması faktiki olaraq yeni vaqonların hazırlanmasına bərabərdir".

 

Metropoliten rəsmisi qeyd edib ki, bu il ərzində Tədris Mərkəzinin istifadəyə verilməsi planlaşdırılır.




  Yayım tarixi :07 May 2019   14:05

 





Xəbərə aid heç bir video mövcud deyil



Ⓒ AĞYOL 2019 - Bütün hüquqlar qorunur .