XƏBƏR
14:38

  Təhsil Nazirliyi: Orta məktəblərdə ayrıca dini fənnin keçirilməsi gündəmdə deyil (ÖZƏL)

Gündəm

Xəbər lenti

Gələn tədris ilindən Azərbaycanda 4-8-ci sinif şagirdlərinin dini biliklərin daha geniş şəkildə yer aldığı yeni "Həyat bilgisi" dərsliklərindən istfadə etməsi nəzərdə tutulur.

 

Agyol.az xəbər verir ki, bunu Təhsil Nazirliyinin İctimaiyyətlə əlaqələr sektorunun müdiri Cəsarət Valehov deyib.

 

Onun sözlərinə görə, 4-8-ci sinif şagirdləri üçün yalnız "Həyat bilgisi"nin deyil, digər fənlər üzrə də dərsliklərin təkmilləşdirilmiş nəşri hazırlanır. Hazırda həmin dərsliklər ictimai müzakirədədir.

 

C.Valehov əlavə edib ki, "Həyat bilgisi" dərsliyində dini biliklərlə bağlı məlumatlar olsa da, təkmilləşdirilmiş variantda bu məlumatlar daha da genişləndirilib.

 

Nazirlik rəsmisi bildirib ki, təkmilləşdirilmiş yeni dərsliklərin sentyabrdan şagirdlərin istifadəsinə verilməsi nəzərdə tutulur.

 

O, orta məktəblərdə ayrıca dini fənnin keçirilməsinin gündəmdə olmadığını da nəzərə çatdırıb.




  Yayım tarixi :29 Aprel 2019   14:38

 





Xəbərə aid heç bir video mövcud deyil



Ⓒ AĞYOL 2019 - Bütün hüquqlar qorunur .