XƏBƏR
14:31

  Anar Məmmədxanovun anım günüdür

Gündəm

Xəbər lenti

Aprelin 23-də “Bakılı oğlanlar” Şən və Hazırcavablar Klubunun keçmiş kapitanı, Milli Məclisin birinci, ikinci və üçüncü çağırışının deputatı, Avrasiya Televiziya və Radio Akademiyasının akademiki Anar Məmmədxanovun dünyasını dəyişməsindən səkkiz il ötür. Məşhur kapitan qəflətən ürək tutması nəticəsində vəfat edib.

 

 Anar Məmmədxanov 1970-ci il iyulun 20-də Bakıda anadan olub.

 

Bakının 160 saylı orta məktəbini bitirib, 1987-ci ildə Bakı Dövlət Universitetinin mexanika-riyaziyyat fakültəsinə qəbul olub. 1988-ci ildə məşhur “Bakılı oğlanlar” komandasını yaradıb, 1991-ci ildə Bakı Şən və Hazırcavablar Klubunun prezidenti olub.

 

Anar Məmmədxanov 41 yaşında dünyasını dəyişib. Bir oğlu və iki qızı qalıb.

 

Anar Məmmədxanov Azərbaycan tarixində ən gənc deputat olub. O, üç dəfə - 1995-ci ildə 19 saylı I Suraxanı dairəsindən, 2000 və 2005-ci ildə müstəqil namizəd kimi Milli Məclisə deputat seçilib.

 

1992-ci ildə ŞHK Ali liqanın çempionu, 1993-cü il ŞHK Ali liqanın finalçısı, ŞHK Yay kubokunun sahibi (1995), XX əsrin on ən yaxşı komandasının turnirinin çempionu (2000) olub.




  Yayım tarixi :23 Aprel 2019   14:31

 





Xəbərə aid heç bir video mövcud deyil



Ⓒ AĞYOL 2019 - Bütün hüquqlar qorunur .