XƏBƏR
11:39

  “Nar bağı” filmi beynəlxalq festivalda nümayiş olunacaq

Gündəm

Xəbər lenti

Azərbaycanlı rejissorun filmi XV Kazan Müsəlman Kinosu Beynəlxalq Festivalının müsabiqə proqramına daxil edilib.


Agyol.Az xəbər verir ki, rejissor İlqar Nəcəfin “Nar bağı” filmi tammetrajlı oyun filmləri seksiyasında müsabiqəyə qatılacaq.


Mədəniyyət Nazirliyinin sifarişi ilə C.Cabbarlı adına “Azərbaycanfilm” kinostudiya və “Buta Film” kino şirkətinin birgə istehsalı olun bu ekran əsərinin quruluşçu rejissoru İlqar Nəcəf, ssenari müəllifləri Asif Rüstəmov, İlqar Nəcəf, Roelof Jan Minneboo, quruluşçu operatoru Ayhan Salar, quruluşçu rəssamı Rafiq Nəsirov, bəstəkarı Firudin Allahverdi, icraçı prodüseri Akif Əliyev, prodüserləri Müşfiq Hətəmov və İlqar Nəcəfdir.


Rolları Qurban İsmayılov, İlahə Həsənova, Səmimi Fərhad, Həsən Ağayev, Rövşən Kərimduxt və digərləri canlandırıblar.


Qeyd edək ki, 2005-ci ildən etibarən hər il keçirilən Kazan Müsəlman Kinosu Beynəlxalq Festivalı bu il aprelin 24-dən 30-dək davam edəcək. Festivalın müsabiqə proqramında 31 ölkədən 55 film yer alıb.




  Yayım tarixi :18 Aprel 2019   11:39

 





Xəbərə aid heç bir video mövcud deyil



Ⓒ AĞYOL 2019 - Bütün hüquqlar qorunur .