XƏBƏR
14:07

  Səhiyyə Nazirliyi gənc qızın virusdan ölməsi məsələsinə münasibət bildirib

Gündəm

Xəbər lenti
Səhiyyə Nazirliyi Bakıda gənc qızın virusdan dünyasını dəyişməsi barədə məlumatlara münasibət bildirib.

Agyol.az xəbər verir ki, Nazirlikdən bildirilib ki, vətəndaş Nərdanə Şirvan qızı Tağızadənin leptospiroz infeksiyasından ölməsi aparılan laborator müayinələrin nəticəsində öz təsdiqini tapmayıb.
“Bu infeksiya haqqında məlumat daxil olan kimi, Səhiyyə Nazirliyi məsələni xüsusi nəzarətə götürüb. Dərhal mərhumun evində bütün lazımi müayinələr aparılıb. Leptospiroz çox nadir rast gələn bir xəstəlikdir. Bu infeksiya xəstə heyvanların ifrazatları ilə çirklənmiş ətraf mühit vasitəsilə yayılır. İnsandan insana keçmir. Aparılmış epidemioloji araşdırmalar və laborator müayinələr nəticəsində xəstəlik təsdiqini tapmayıb. Ölümün əsas səbəbi mərhumun dünyasını dəyişdiyi tibb müəssisəsinin rəyində açıqlanıb“, Səhiyyə Nazirliyinin məlumatında vurğulanıb.
Qeyd edək ki, N.Tağızadə Bakı Dövlət Universitetinin Tarix fakültəsinin I kurs tələbəsi olub.




  Yayım tarixi :08 Fevral 2019   14:07

 





Xəbərə aid heç bir video mövcud deyil



Ⓒ AĞYOL 2019 - Bütün hüquqlar qorunur .