XƏBƏR
10:23

  Səfir: Türkiyənin çoxtərəfli formatda görüşlərin keçirilməsi təşəbbüsünə ən böyük dəstəyi Azərbaycan verib

Gündəm

Xəbər lenti
19 Fevral 10:14Manatın MƏZƏNNƏSİ
Türkiyənin çoxtərəfli formatda görüşlərin keçirilməsi təşəbbüsünə ən böyük dəstəyi Azərbaycan verib. Agyol.az xəbər verir ki, bunu  özəl müsahibəsində Türkiyənin Azərbaycandakı səfiri Erkan Özoral bildirib.
E.Özoral qeyd edib ki, Türkiyə-Azərbaycan-Gürcüstan, Türkiyə-Azərbaycan-İran, Türkiyə-Azərbaycan-Pakistan kimi üçtərəfli, Türkiyə-Azərbaycan-Gürcüstan-İran kimi dördtərəfli formatda təşkil olunan toplantılar yalnız ölkələrin deyil, eləcə də bölgənin rifahı, inkişafı və təhlükəsizliyinə xidmət edir:
"Türkiyə ikitərəfli formatdan kənara çıxan, yəni çoxtərəfli formatda görüşlərin keçirilməsini təklif edib və həyata keçirib. Bu təklifin reallaşmasına ən böyük dəstəyi isə qardaş Azərbaycan göstərib".
Türkiyəli diplomat bu cür formatların inkişaf etdirilməsi və genişləndirilməsinin mümkün olduğunu deyib: "Hazırda xüsusilə ortaq prioritetləri bölüşdüyümüz və oxşar yanaşmalara malik olduğumuz digər ölkələrlə bu cür formatlarda görüşlərin keçirilməsi fikri nəzərdən keçirilir".
Səfir əlavə edib ki, əsas məqsəd bu görüşlərin nəticə verməsi, səmərəli olması və əməkdaşlığın inkişafına təkan verməsidir: "Bu məsələdə regionun bütün müvafiq tərəfləri ilə birgə işləməyə hazırıq”.





  Yayım tarixi :18 Yanvar 2019   10:23

 





Xəbərə aid heç bir video mövcud deyil



Ⓒ AĞYOL 2019 - Bütün hüquqlar qorunur .