XƏBƏR
22:13

  "Sportinq"dən erkən qol – YENİLƏNİR

Gündəm

Xəbər lenti
07 Dekabr 15:13 Sabahın HAVAsı

22:04

Avropa Liqası

E qrupu

 

21:55. "Qarabağ" (Azərbaycan) - "Sportinq" (Portuqaliya) - 0:1 (Birinci hissə)
Qol: 
Bas Dost, 5-pen
Hakimlər: Petr Ardeleanu, Petr Blazey, Tomas Mokruş, Yan Patak, Zbinek Proske, Emanuel Marek (hamısı Çexiya)
Bakı Olimpiya Stadionu. 

21:55."Vorskla" (Ukrayna) - "Arsenal" (İngiltərə)

 

1.

Arsenal

 

4

3

1

0

8:2

10

2.

Sportinq

4

2

1

1

4:2

7

3.

Vorskla Poltava

4

1

0

3

4:7

3

4.

Qarabağ

4

1

0

3

1:6

3

21:39

Avropa Liqasının qrup mərhələsinin 5-ci turunda saat 21:55-də başlayacaq "Qarabağ" - "Sportinq" oyunu üçün start heyətlər açıqlanıb.

Komandalar meydana aşağıdakı tərkibdə çıxacaqlar:

"Qarabağ":  1. Hannes Halldorsson, 14. Rəşad Sadıqov (k), 52. Yakub Jezniçak,  77. Donald Gerrye, 5. Maksim Medvedev, 2. Qara Qarayev,   8. Miçel, 6. Simeon Slavçev, 17. Abdulla Zubir, 11. Mahir Mədətov, 9. Araz Abdullayev

Ehtiyat oyunçular: 13. Vaqner, 10. Dani Kintana, 19. Filip Ozobiç, 25. Ansi Aqolli, 28. Con Delarj, 55. Bədavi Hüseynov, 91. Coşqun Diniyev

"Sportinq": 40. Renan Ribeyro,  4. Sebastyan Koates, 5. Cefferson, 6. Andre Pinto, 8. Bruno Fernandes,  17. Luis Nani (k), 23. Abdulay Diabi, 28. Bas Dost, 37. Vendel, 76. Bruno Qaspar, 86. Nemanya Qudel

Ehtiyat oyunçular: 19. Roman Salen, 18. Karluş Mane, 25. Padosav Petroviç, 63. Tyaqo Calo, 77. Jovane Kabral, 90. Migel Luiş, 95. Tyerri Korreya 

08:02

Bu gün "Qarabağ" UEFA Avropa Liqasında növbəti oyununa çıxacaq.

Milli.Az "Report"a istinadən bildirir ki, Ağdam təmsilçisi V tur çərçivəsində Portuqaliya "Sportinq"ini qəbul edəcək. Bakı Olimpiya Stadionunda baş tutacaq görüş saat 21:55-də start götürəcək.

Qurban Qurbanovun rəhbərlik etdiyi kollektivin yer aldığı E qrupunda ilk matçı məhz bu komandaya qarşı olub. Lissabonda keçirilən oyun meydan sahiblərinin 2:0 hesablı qələbəsi ilə başa çatıb. İlk qolu 54-cü dəqiqədə Rafinya vurub. "Joze Alvalade" stadionunda reallaşan qarşılaşmanın 88-ci dəqiqəsində isə Jovane Kabral fərqi artırıb.

Ağdamlılar bundan sonra evdə İngiltərə "Arsenal"ına 3, Ukraynanın "Vorskla" komandasına isə 1 cavabsız qolla uduzub. Sonuncu turda Poltavada 1:0 hesablı qələbəyə sevinən Azərbaycan çempionu hazırda 3 xalla sonuncu pillədə qərarlaşıb.

"Sportinq" isə səfərdə "Vorskla"nı 2:1 hesabı ilə məğlub etdikdən sonra evdə "Arsenal"a 1 cavabsız qolla yenilib. Lakin Londondan qolsuz heç-heçə ilə dönməyi bacarıb. Lissabonlular 7 xalla 2-ci pillədədirlər və ingilislərdən 3 xal geri qalırlar. "Qarabağ"la eyni xala malik ukraynalılar müsbət top fərqinə görə 3-cü yerdədirlər.

Lissabondakı matç Portuqaliya və Azərbaycan klublarının ilk dueli kimi tarixə düşüb. İkinci qarşılaşma "Qarabağ" üçün "tamam, ya davam" xarakteri daşıyır. Ağdamlılar pley-offa yüksəlmək baxımından nəzəri şanslarını saxlamaq üçün mütləq qalib gəlməlidirlər. Qonaqlar bunu bacaracaqları təqdirdə, paralel keçiriləcək "Vorskla" - "Arsenal" qarşılaşması formallığa çevriləcək. Çünki "Sportinq" 3 xal qazanmaqla, "topçular" kimi qrupdan çıxmağı rəsmiləşdirəcək. Qonaqlar heç-heçə sayəsində də tapşırığın öhdəsindən gələ bilər. Bunun üçün Ukraynada meydan sahibləri qalib gəlməməlidir.

"Qarabağ"da əsas problem İnnosent Emeqaranın yoxluğudur. Əcnəbi forvard Azərbaycan Premyer Liqasının XII turunda "Sabah"la oyundan əvvəl isinmə hərəkətləri zamanı zədələnərək ili erkən başa vurub. Lissabon təmsilçisinin baş məşqçisi Marsel Kayzer isə 11 oyunçunun xidmətindən yararlana bilməyəcək.

Rodriqo Battalya və Stefan Ristovski zədəli olduqlarına görə görüşü buraxacaqlar. Fredi Montero və Rafinya tam olaraq hazır deyil. IV turda səfərdə "Arsenal"la qolsuz heç-heçə etdikləri qarşılaşmada Markos Xavyer Akunya sarı vərəqə limitini doldurub, Jeremi Matyö isə qırmızı vərəqə alıb. Komandanın sabiq baş məşqçisi Joze Pezeyru Bruno Sezar, Marselo Ferreyra, Lük Kastanyos, Lumor Aqbenyenu və Yosip Mişiç kimi futbolçuları Avropa Liqasının iştirak ərizəsinə daxil etməyib. Belə vəziyyətdə "Sportinq" Bakıya 19 futbolçu ilə gəlib. Onlardan 4-ü "B" komandanın üzvləridir.

Avropa Liqası

Qrup mərhələsi, V tur

29 noyabr

21:55. "Qarabağ" - "Sportinq"

Baş hakim: Petr Ardelyanu

Yan xətt hakimləri: Petr Blajey, Tomaş Mokruş

Əlavə köməkçilər: Zbınek Proske, Emanuel Marek

Dördüncü hakim: Yan Patak (hakimlər briqadası Çexiyadandır)

Hakim-inspektor: Bernardino Qonsales Vaskes (İspaniya),

UEFA nümayəndəsi: David MkDauel Zor (Sloveniya)

Bakı Olimpiya Stadionu




  Yayım tarixi :29 Noyabr 2018   22:13

 





Xəbərə aid heç bir video mövcud deyil



Ⓒ AĞYOL 2018 - Bütün hüquqlar qorunur .