XƏBƏR
10:56

  Gürcüstan ilk dəfə qadın prezident seçdi

Gündəm

Xəbər lenti
07 Dekabr 15:13 Sabahın HAVAsı

Gürcüstan Mərkəzi Seçki Komissiyası noyabrın 28-də keçirilmiş prezident seçkilərinin ikinci turundan sonra bülletenlərin 98,76 faizinin nəticələrini açıqlayıb.


Agyol.az xəbər verir ki, 3705 məntəqədən 3659-nun nəticələri artıq bəllidir.

İlkin rəsmi məlumatlara əsasən seçki dairələrinin böyük əksəriyyətində hakim “Gürcü arzusu” partiyasının dəstəklədiyi müstəqil namizəd Salome Zurabişvili qalib gəlib.

Rəsmi məlumata görə, Salome Zurabişvili 59,61 faiz səs toplayıb. Onun lehinə 1 milyon 143 min 111 nəfər səs verib.

Müxalif “Vahid Milli Hərəkat” partiyasının namizədi Qriqol Vaşadze isə 40,39 faiz səs toplayıb. Onu 774 min 468 seçici dəstəkləyib.

Artıq S.Zurabişvili  və tərəfdarları qələbəni qeyd ediblər. Beləliklə, Gürcüstanda ilk dəfə qadın president seçilib.

Konstitusiyaya uyğun olaraq S.Zurabişvilinin andiçmə mərasimi dekabrın 16-da olacaq.

 




  Yayım tarixi :29 Noyabr 2018   10:56

 





Xəbərə aid heç bir video mövcud deyil



Ⓒ AĞYOL 2018 - Bütün hüquqlar qorunur .