XƏBƏR
21:18

  XİN: Dövlət başçıları ilə əlaqədar Ermənistan tərəfinin səsləndirdiyi fikirlər diplomatik etika və protokola ziddir

Gündəm

Xəbər lenti
07 Dekabr 15:13 Sabahın HAVAsı

Belarus Prezidenti Aleksandr Lukaşenkonun Azərbaycanın bu ölkədəki səfirini qəbul etməsi diplomatik protokolda istisna hallardan biridir və bu Azərbaycanla Belarus arasında münasibətlərin və qarşılıqlı hörmətin yüksək səviyyəli inkişafının təzahürüdür.

Agyol.az xəbər verir ki, buna Xarici İşlər Nazirliyinin mətbuat xidmətinin rəhbəri Leyla Abdullayeva bildirib.

XİN-nin açıqlamasında deyilir: "Azərbaycan Respublikasının Prezidenti cənab İlham Əliyevin Belarusa gözlənilən səfəri ikitərəfli əlaqələri daha da inkişafına təkan verəcək və ölkələrimiz arasında dostluğun daha da möhkəmlənməsinə xidmət edəcəkdir.

O ki qaldı Ermənistan XİN-in mətbuat katibinin açıqlamasına, dövlət başçıları ilə əlaqədar bu qəbildən olan fikirlərin səsləndirilməsi diplomatik etika və protokol qaydalarına ziddir. Hesab edirik ki, KTMT çərçivəsində müttəfiq dövlətlər bu kimi ifadələrin işlədilməsinə həssaslıqla yanaşmalıdır".

Qeyd edək ki, Ermənistan XİN-in mətbuat xidmətinin rəhbərinin Belarus Prezidenti və Azərbycan səfiri arasında keçirilmiş görüşdə Kollektiv Təhlükəsizlik Müqaviləsi Təşkilatı ilə bağlı məsələlərin müzakirə olunmasını "düzgün olmayan" addım kimi qiymətləndirib.

 




  Yayım tarixi :13 Noyabr 2018   21:18

 





Xəbərə aid heç bir video mövcud deyil



Ⓒ AĞYOL 2018 - Bütün hüquqlar qorunur .