XƏBƏR
14:05

  Azərbaycan məhsulları Parisdə sərgilənəcək

Gündəm

Xəbər lenti
13 Noyabr 14:21Sabahın hava PROQNOZU

21-25 oktyabr tarixlərində Fransanın Paris şəhərində “Sial Paris” beynəlxalq ərzaq sərgisi öz işinə başlayacaq.

Agyol.az xəbər verir ki, sərgidə İqtisadiyyat Nazirliyinin və Azərbaycanın Fransadakı səfirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə qida, meyvə-tərəvəz, şərab və digər spirtli içkilər, meyvə şirələri, mineral sular, konservləşdirilmiş məhsullar, fındıq və qurudulmuş meyvə, çay və digər məhsulların istehsalı ilə məşğul olan 23 Azərbaycan şirkəti öz məhsullarını “Made in Azerbaijan” vahid ölkə stendi ilə təqdim edəcək.

Sərgi çərçivəsində yerli şirkətlərin nümayəndələri Parisdə fəaliyyət göstərən kənd təsərrüfatı və yeyinti sənayesi məhsullarının satışı ilə məşğul olan distributorlarla görüşlərdə iştirak edəcək, potensial müştərilərlə ixrac məsələlərinə dair müzakirələr aparacaqlar.

Qeyd edək ki, dünyanın 109 ölkəsindən 7020 şirkətin iştirak edəcəyi “Sial Paris” sərgisi Avropanın ən irimiqyaslı ərzaq məhsulları sərgilərindəndir.

 

 




  Yayım tarixi :18 Oktyabr 2018   14:05

 





Xəbərə aid heç bir video mövcud deyil



Ⓒ AĞYOL 2018 - Bütün hüquqlar qorunur .