XƏBƏR
10:19

  Pakistan Baş nazirinin köməkçisi: Azərbaycan kimi dost və qardaş ölkələrlə münasibətlərin daha da inkişafına çalışırıq

Gündəm

Xəbər lenti
13 Noyabr 14:21Sabahın hava PROQNOZU

Azərbaycanın Pakistandakı səfiri Əli Əlizadə Pakistan Baş nazirinin siyasi məsələlər üzrə xüsusi köməkçisi Naim ul Haqla görüşüb.

Agyol.az xəbər verir ki, Azərbaycanın Pakistandakı səfirliyindən Trend-ə verilənф məlumata görə, səfir Pakistanın Azərbaycana yaxın dost və qardaş ölkə olduğunu diqqətə çatdırıb, Azərbaycanın Pakistanla siyasi əlaqələrlə yanaşı, iqtisadi, ticari, müdafiə sənayesi, hərbi və hərbi-texniki, enerji, turizm və digər sahələrdə əməkdaşlığın daha da artırılmasında maraqlı olduğunu bildirib. Səfir Azərbaycanın Pakistana dəstəyinin davam edəcəyini və Pakistanın da Dağlıq Qarabağ və digər həssas məsələlərdə Azərbaycana göstərdiyi dəstəyin yüksək qiymətləndirildiyini qeyd edib.

Pakistan Baş nazirinin siyasi məsələlər üzrə xüsusi köməkçisi Naim ul Haq Pakistanın həmişə Azərbaycan kimi yaxın dost və qardaş ölkələrlə əlaqələrə xüsusi önəm verdiyini və münasibətlərin daha da inkişafına çalışdığını, iqtisadi, ticari, enerji, investisiya sahələrində əməkdaşlığın daha da artırılması üçün səylərin davam etdiriliməsi gərəkdiyini vurğulayıb.

Görüşdə həmçinin ikitərəfli səfərlərin daha da artırılması, eləcə də beynəlxalq və regional təşkilatlar çərçivəsində dəstəyin və birgə əməkdaşlığın davam etdirilməsinin vacibliyi vurğulanıb.

 




  Yayım tarixi :09 Oktyabr 2018   10:19

 





Xəbərə aid heç bir video mövcud deyil



Ⓒ AĞYOL 2018 - Bütün hüquqlar qorunur .