XƏBƏR
13:05

  Güləşçilərimiz dünya çempionatına hazırlığa başlayıblar

Gündəm

Xəbər lenti
13 Noyabr 14:21Sabahın hava PROQNOZU

Oktyabrın 20-dən 28-dək Macarıstanın paytaxtı Budapeştdə keçiriləcək dünya çempionatına hazırlıq xarakteri daşıyan hazırlıq prosesinə əvvəlcə sərbəst güləş üzrə millimiz start verib.

Agyol.az xəbər verir ki, Azərbaycan Güləş Federasiyasından verilən məlumata görə, baş məşqçi Firdovsi Umudov, böyük məşqçi Zəlimxan Hüseynov və məşqçi Arif Abdullayevin rəhbərliyi altında bu gündən Olimpiya Güləş Mərkəzində başlayan məşqlər oktyabrın 18-dək davam edəcək.

Yunan-Roma güləşçilərimiz sabahdan baş məşqçi Şaban Donat, böyük məşqçi Rövşən Bayramov və məşqçilər Emin Əhmədovla Turac Hüseynlinin başçılığı altında mundialın hazırlıqlarına start verəcək. Təlim-məşq toplanışı oktyabrın 23-də yekunlaşacaq.

Qadınlardan ibarət yığmamız isə dünya çempionatına Türkiyədə hazırlaşacaq. Oktyabrın 5-dən 20-dək baş məşqçi Aslan Ağayev və məşqçi Rövşən Umudovun rəhbərliyi altında İstanbulda toplanış keçəcək millimiz Macarıstana da Türkiyədən yola düşəcək.

 




  Yayım tarixi :01 Oktyabr 2018   13:05

 





Xəbərə aid heç bir video mövcud deyil



Ⓒ AĞYOL 2018 - Bütün hüquqlar qorunur .