XƏBƏR
18:14

  Həccə gedənlərə xəbərdarlıq: Ərəbistandan çıxa bilməyəcəklər…

Gündəm

Xəbər lenti
13 Noyabr 14:21Sabahın hava PROQNOZU

Dünyanın bütün ölkələrindən Həcc ziyarətinə getmək üçün müraciət edən insanların saxta viza əldə etməməsi üçün ciddi tədbirlər görülüb.


Lakin bu hal ilbəil daha çox artır. Bu il saxta kommersiya dəvəti ilə viza alaraq Həccə gedən insanlar arasında 20 nəfər Türkiyə vətəndaşının olduğu aşkarlanıb və onların Səudiyyə Ərəbistanından çıxışına qadağa qoyulub.


Agyol.az xəbər verir ki, ölkənin xarici işlər nazirliyi son dövrlərdə artan saxta sənəd hazırlanmasına qarşı ciddi xəbərdarlıq etdiyini bildirib. Mövzu ilə bağlı Türkiyənin məşhur turizm agentliklərindən birinin açıqlamasında isə vətəndaşlara bu istiqamətdə tabe olmaları gərəkən qaydaların bildirildiyi qeyd edilib.


Bildirilib ki, Həcc ziyarətinə getmək istəyən şəxslər mütləq şəkildə müvafiq sənədlərini fətvanın verildiyi Türkiyə Dəyanət İşləri İdarəsinə təqdim etməlidirlər. Daha sonra isə idarənin səlahiyyətində olan agentlik tərəfindən təyin edilən istiqamətdə hərəkət edilməlidir. Eyni zamanda bir neçə nəfərin həcc ziyarətinə ödənişsiz qatıla bilməsi üçün püşkatma da təşkil edilir. Püşkatma nəticəsində adıçəkilən şəxslər həccə ödənişsiz getmək haqqı qazanırlar.


Lakin bəzi vətəndaşların kommersiya məqsədilə və ya işçi vizası alaraq həccə getdiyi müəyyən edilib ki, bu, qətiyyən qadağandır. Belə hallar aşkarlandığı zaman, həmin vətəndaşların pasportlarına dərhal türk və ərəb dillərində "Həcc ziyarətinə yararsız" möhürü vurulur.


Hazırda bu il üçün saxta viza ilə gəldiyi iddia edilən 160 nəfər Səudiyyə Ərəbistanında saxlanılıb ki, onlardan 20 nəfəri türkdür.




  Yayım tarixi :30 Sentyabr 2018   18:14

 





Xəbərə aid heç bir video mövcud deyil



Ⓒ AĞYOL 2018 - Bütün hüquqlar qorunur .